Komentet për Anxhela Peristerin ishin të shumta pas suksesit që arriti në Eurovizion. Një ndër tematikat që u diskutua më së shumti në Shqipëri, por edhe në Greqi ishte mbiemri i këngëtares dhe lidhja e saj me Greqinë.
Ishin të shumtë ata që e etiketuan si ‘tradhtare’ pasi mbiemri saj vjen nga greqishtja. Megjithatë Anxhela thekson, në emisionin Tempora, se ka një prejardhje shumë të largët nga stërgjyshi në Greqi dhe se ajo dhe prindërit e saj janë të lindur në Shqipëri.
“Unë pata shumë luftë edhe nga shqiptarët për këtë gjë, që më thoshin ke tradhtuar atdheun, sepse mbiemri im ka prejardhje greke ( do të thotë pëllumbi).”
