Një nënë kërkon të bijën pas 21 vitesh nga zhdukja. SIpas të dhënave zyrtare një 56-vjeçare nga Durrësi ka denoncuar zhdukjen e vajzës së saj, 21 vite pasi kishte ikur nga banesa pa lënë gjurmë.
Shtetasja me inicialet O.K, ka denoncuar për herë të pare me dokumentacion përkatës pranë komisariatit zhdukjen e vajza së saj me inicialet F.K, aktualisht 37 vjeçe, pasi më herët nuk e kishte ndjekur në rrugë zyrtare.
Gruaja ka rrëfyer para oficerëve të policisë se vajza ishte zhdukur pa lënë gjurmë kur ishte vetëm 16 vjeçe, ndërsa ajo dyshon se ndodhet në Itali.
Ndër të tjera ajo tregon se kërkon që të kallëzojë zhdukjen e vajzës, pasi i duhen dokumentet që ajo është e vetme dhe se nuk ka mundësi financiare, për të fituar më pas dhe ndihmën ekonomike.
Ndërkohë, një 48-vjeçar nga Xhafzotaj i Durrësit ka denoncuar zhdukjen e vajzës së tij 23 vjeçe. Bëhet e ditur se më datën 9, shtetasi me inicialet A.L ka kallëzuar në polici se vajza e tij me inicialet S.L ishte larguar nga shtëpia që orës 16:00 të 8 dhjetorit.
