Arsenal i rikthehet fitores pas zhgënjimit në Champions League. Ekipi i Wenger më në fund i është përgjigjur kritikave të javëve të fundit duke shfaqur një formë tepër të mirë, sidomos pjesa e parë ishte një shfaqje e klasit të tyre.
Sërish protagonist Welbeck me një gol, teksa duket se i ka rrëmbyer vendin e formacionit Oliver Giroud. Goli tjetër është shënuar nga i riu Iwobi. Arsenal merr fitoren e parë pas tre ndeshjesh në Premier League dhe mban gjallë shpresat për titullin kampion. Ndeshja fillon me një vrull të madh.
Të dy ekipet godasin shtyllën brenda pesë minutave të para. Por është Arsenal që luan guximshëm në sulm dhe shpërblehen teksa Alexis Sanchez jep një pasim të mrekullueshëm për Danny Welbeck i cili driblon edhe portierin edhe shënon në minutën e 7-të të ndeshjes. Arsenal nuk e ulin tempin e lojës dhe janë gjithmonë të rrezikshëm në gjysmëfushën e Everton. Në minutën e 35-të Arsenal i mohohet një penallti e dukshme pas një faulli të Besic drejt Sanchez brenda në zonë. Por “Topçinjtë” nuk e lejojnë këtë episod t’i ulë moralin teksa Bellerin jep një top të bukur për Iwobi, i cili marshon për 30 metra përpara se të godasë topin brenda në zonë duke shënuar golin e dytë për miqtë në minutën e 42-të.
Pjesa e parë përfundon me rezultatin 0:2, pas një dominimi total të Arsenal. Everton – Arsenal Live Score Everton e nis pjesën e dytë në sulm në kërkim të ngushtimit të diferencës, por Arsenal rri në përgjim të një kundërsulmi vrasës që do të përfundonte ndeshjen. Stafi mjekësor i Arsenal nxitojnë për t’i dhënë ndihmën e parë portierit Ospina pas një përplasje me Lukaku në minutën e 67-të, fatmirësisht portieri mund të vazhdojë lojën.
“Topçinjve” u anulohet edhe një gol në minutën e 83-të, teksa Giroud çon topin në rrjetë por arbitri ka fërshëllyer për një faull të Iwobi kundër Jagielka. Ndeshja përfundon me rezultatin 0:2, me një Arsenal shumë më superiorë se vendasit e Everton.
