Sipas MeteoAlb paraditja dhe mbrëmja do të paraqiten në ndikimin e kthjellimeve dhe vranësirave të herë pas hershme. Por mesdita dhe pasditja sërish sjellin shtim të vranësirave dhe reshje në zonat lindore.
Parashikohet që në zonat malore të kemi reshje të pakta dhe të izoluara breshëri. Moti do të përmirësohet gjatë orëve të vona të pasdites.
Temperaturat e ajrit rriten në vlerat minimale dhe maksimale duke u luhatur nga 8°C mëngjesi në zonat malore deri në 26°C mesdita në zonat e ulëta.
Era do fryjë mesatare me shpejtësi deri 45 km/h, nga drejtimi permanent Veriperëndimor ndërsa në det të hapur krijohet dallgëzim 4 ballë.
Kosova
Vijon ndikimi i motit të paqëndrueshëm mbi Republikën e Kosovës duke sjellë gjatë mesditës dhe pasdites shira aftashkurtër.
Ndërsa paraditja dhe mbrëmja mbeten me kthjellime dhe vranësira kalimtare. Temperaturat e ajrit rriten në mëngjes dhe në mesditë duke luhatur dy vlerat ditore nga 7 në 19°C. Era do të fryjë e lehtë nga drejtimi Verilindor.
Maqedonia e Veriut
Moti do të dominohet nga kthjellime dhe vranësira të shpeshta, të cilat duke ju afruar mesditës do të zhvillohen gradualisht duke gjeneruar shira të pakët. Por situata përmirësohet gjatë mbrëmjes ku kthjellimet do jenë dominuese.
Rajoni dhe Europa
Veriu , pjesërisht qendra dhe lindja e kontinentit Europian vijojnë në ndikimin e motit të kthjellët dhe vranësirave të lehta. Por ndryshe paraqitet situata për pjesën tjetër të kontinentit ku vranësirat e herë pas hershme zhvillohen duke gjeneruar rrebeshe afatshkurtra shiu dhe ministuhi ere.
