Projekte e betonizimit të kryeqyteti dhe zonave të mbrojtura, por edhe problemi i ujit të pijshëm janë çështje sensitive që po diskutohen gjerësisht në Tiranë.
I ftuar në edicionin e pasdites në ‘Syri Tv’ për të diskutuar mbi këtë problem ishte Pano Soko aktivist i Nismës Thurje.
“Me konsolidimin ne pushtet te Edi Ramës të gjithë e prisnim sjelljen e tij me pronën publike dhe nuk është risi.
Binomi qeveri-bashki synojnë zaptimin dhe betonizimin të gjithë asaj hapësire publike që në e kemi pasur të pakët.
Ky është fillimi sepse janë disa projekte që do të vihen në jetë në territorin e parkut të liqenit si është pjesa e gardës që është në hyrje po ashtu kemi dhe një projekt për ri stabilizimin e digës së liqenit çka fsheh nën vete planin për ta sulmuar liqenin nga pjesa jugore e tij.
Planet e tyre janë afat gjata dhe rikonfirmimi nuk do të sjell një stopim të projekteve që synojnë shkatërrimin e hapësirave publike.
Ata synojnë adaptimin e ligjit në mënyrë të atillë që e gjithë kjo të jetë e ligjshme, pra nëse ne e ndajmë konceptim, se pavarësisht se mund të jetë e ligjshme nuk mund të jetë e drejtë”, tha aktivisti.
Soko u shpreh se nëse ka vullnet politik për tu prishur liqeni ai do të prishet në të kundërt nëse ka vullnet politik për ta ruajtur ata do ta ruajnë.
“20 kullat e projektuara aty janë krejt të pa nevojshme në gjykimin tim do të duhej të prisheshin gjysmë e pallateve që janë ndërtuar sepse nuk ka leverdi por ndërtohen vetëm për të pastruar paratë e tyre që kanë interes”, tha Soko.
