LSI e quajti të hënën Komisionin e Ankesave dhe Sanksioneve “një organizatë politike të Rilindjes”.
Përmes një postimi në FB, Sekretari i përgjithshëm i LSI, Endrit Braimllari shkroi se KAS nuk mori parasysh asnjë nga provat e opozitës siç ishin: votimi i shumëfishtë, problemet me fletët e votimit në kuti, punësimi i militantëve në kundërshtim me ligjin, pengimi për të votuar i qytetarëve nga Maqedonia dhe Greqia.
“KAS organizatë politike e Rilindjes. Nuk vlerëson asnjë fakt nga masakra zgjedhore e 25 prillit”, shkroi ai.
Reagimi i Braimllarit erdhi pas vendimit të KAS për të rrëzuar kërkesën e LSI dhe PD për të përsëritur zgjedhjet në Elbasan dhe Korçë.
