Andi Artani dhe Jasmina Kadriu vendosën që njohjes së tyre t’i japin fund pas shumë zënkash.
Së fundmi, Andi ka qenë i ftuar në emisionin NIN, ku ka folur për herë të parë pas thumbave të Jasminës. Kjo e fundit e ka akuzuar herë pas here djalin nga Kosova për tradhti dhe pabesi. Por Andi ka sqaruar një herë e mirë se nuk ka mundur të ketë tradhti, pasi s’ka pasur asnjëherë një lidhje mes tyre.
Ish-konkurrenti shpjegoi edhe njëherë se ata ishin në njohje e sipër dhe Jasmina e kishte lodhur aq shumë me provokimet dhe kunjat e saj, saqë ai kishte hequr dorë plotësisht. Më pas Andi u shpreh se me këngëtaren, Diona Fona, ka vetëm raport shoqëror. Ai shtoi se Jasmina s’ka komunikuar asnjëherë me të për ta pyetur për këto çështje, por gjithmonë i ka bërë block në rrjete sociale dhe ka mbajtur inat.
“Ajo thonte ‘Communication is key’, por vetëm komunikim s’kishte”, u shpreh Andi, i cili gjithashtu tregoi se ia kishte thënë prej kohësh Jasminës që mes tyre nuk shihte asgjë më shumë se shoqëri, por ajo s’kishte dashur të kuptonte.
Andi e kategorizoi Jasminën si personin që bënte më shumë gjëra për famë e vëmendje, pasi sipas tij, reagimet e saj në rrjetet sociale ishin gjithmonë të tepruara.
