Një plagosje me thikë ka ndodhur këtë të Diel në Fier, ndërsa autori është vënë në pranga, njoftoi policia.
Burime zyrtare bënë me dije se pas marrjes së njoftimit se në lagjen “1 Maj”, Levan-Fier, ishte plagosur me mjet prerës shtetasi N.O., në vendngjarje shkuan shërbimet e Policisë, të cilat fa bënë të mundur identifikimin dhe kapjen e autorit të dyshuar, shtetasin Arbër Rasho. Ky i fundit, mbrëmjen e djeshme, pas një konflikti për motive të dobëta, ka goditur me mjet prerës (thikë), shtetasin N.O., 24 vjeç, banues në Levan.
24-vjeçari ndodhet në spitalin e Fierit, nën kujdesin e mjekëve.
Specialistët për Hetimin e Krimeve në Komisariatin e Policisë Fier arrestuan për veprën penale “Plagosje e rëndë me dashje” Arbër Rashon, 25 vjeç, banues në Levan, Fier.
