Gazetarja e sportit Albana Bejko e ka konsideruar Alesia Bamin një aksesor për marketing dhe thjesht një vajzë të bukur. E ftuar në #EXPULS, Bejko duhej të zgjidhte mes Vilma Mashës dhe Alesia Bamit.
“Profesionalisht, unë do të zgjedh Vilmën, jo vetëm profesionalisht por edhe si fizik ka imazhin e një vajze elegante. Nuk e di në çfarë aspekti e sulmojnë Alesian. Unë mund të jap mendimin tim aspak personal, por mund të gjykoj sa i përket fushës së sportit. Alesia është shumë e bukur, por në fushën e sportit nuk bën pjesë në gazetaret e sportit. Ajo çfarë synojmë ne të sjellim si frymë në Shqipëri është gazetare sporti dhe jo aksesor në fushën e sportit,”- tha Bejko.
Alesia Bami reagoi pak orë më vonë në një postim në Instastory ku shkruan se dështakët janë gjithmonë të gatshëm për të gjykuar, ndërsa njerëzit e sukseshëm kërkojnë mundësi për të ndihmuar të tjerët.
“Njerëzit e suksesshëm janë gjithmonë në kërkim te mundësive për të ndihmuar të tjerët, ndërsa dështakët janë gjithmonë të gatshëm për të të gjykuar”- shkruan Alesia Bami.
