RENEA dhe FNSH mësohet se vazhdojnë edhe sot aksionin anti-drogë në rrethin e Krujës, që ka nisur që nga dita e shtunë.
Kujtojmë se në operacionin e një dite më parë u raportua se në kuadër të këtij aksioni kanë rënë në pranga 16 persona dhe në kërkim janë shpallur 24 të tjerë.
Personat e arrestuar janë: Asllan Deliu, Marsel Loci, Eldi Kaceli, Indrit Kullaj, Dashamire Deliu, Musait Vathi, Xhavit Kullaj, Dashamir Kullaj, Ferit Kullaj, Erlind Almeta, Fetije Kullaj, Refik Deliu, Erjon Deliu, Flamur Halili, Ervin Perlica dhe Sokol Kullaj.
Në mesin e personave të arrestuar janë edhe kryepleq të fshatrave si dhe punonjës të OSHEE-së. Disa prej parcelave të drogës ishin evidentuar nga kontrolli ajror i ushtruar nga Guarda di Finanza.
Si rezultat i operacionit u sekuestrua një laborator që shërbente për kultivim të bimëve narkotike me anë të ngrohjes me llampa, kubikë dhe fidanë canabis, 5 automjete dhe prova të tjera materiale.
