Presidenti i Serbisë, Aleksandar Vuçiç, në seancën e Këshillit Kryesor të Partisë Përparimtare serbe, ka theksuar se Serbia patjetër të marrë pjesë në dialogun Prishtinë-Beograd dhe se në këtë dialog, sipas tij, do të përballet me presione të vështira, por siç ka theksuar, nuk do ta nënshkruajë pavarësinë e Kosovës.
Presidenti serb ka bërë të ditur se nga mesi i Qershorit do të vazhdojë dialogu me Kosovën.
“Patjetër e kemi të marrim pjesë në dialog, duhet të jemi pjesë e botës. Nuk do të nënshkruajë njohjen e Kosovës së pavarur. Njerëzit duan që të pyetet populli, e jo ambasadorët e huaj dhe oligarkët. Derisa jam këtu, derisa partia është këtu, Serbia do t’i marrë vendimet”
Presidenti serb Aleksandar Vuçiç ka deklaruar se edhe pse Serbia dëshiron kompromisin dhe se do të jetë e përballur me presione t’i ketë linjat e saj të kuqe. Ai ka shtuar se në Serbi vendimet nuk do t’i marrin ambasadat e huaja, e as të zgjedhin njerzit nëpër funksione.
