Një incident raportohet të ketë ndodhur në takimit e kandidates për kryetare të PD Edith Harxhi, me demokratë në Korçë.
Fjalimi i kandidates për kreun e PD-së është ndërprerë 2 herë. Shkak është bërë një pjesëmarrës së takim, i cili herë pas herë komentonte fjalimin e bërë nga Harxhi, ku dëgjohej “nuk duam të dëgjojmë përralla”. Raportohet se bëhet fjalë për një nga person i cili ishte i dehur.
Ndërkohë, gjatë fjalës së saj, Harxhi ka pasur kritika për mënyrën se si funksionon kjo parti. Duke e quajtur 8-vjeçarin më të vështirë në opozitë, Harxhi tha se PD nuk dëgjon fjalën e degëve.
“8-vjeçari më i vështirë i PD në opozitë, me qeverisjen mjaft të dobët të Ramës, ka bërë që kjo opozitë të jetë më pak e mundur për të bërë aq sa duhet, por angazhimi juaj me strukturat jo vetëm duhet të vlerësohet, por ne të gjithë hyjmë e dalim në seli, por harrojmë atë që bëjnë strukturat, prandaj unë ju falënderoj. Në qendër nuk dëgjohet fjala e degëve”, tha Harxhi.
