Shkumbini ka triumfuar në finalen e Kategorisë së Dytë, teksa ka mposhtur minimalisht Maliqin, duke fituar kështu trofeun.
Një gol i Dos Santos në minutën e 10-të, i dha fitoren peqinase, e cila vlen 20 milionë lekë. FSHF akordon këtë shifër si premio për skuadrën që fiton finalen e Kategorisë së Dytë dhe këto shkojnë për Shkumbinin. Në “Elbasan Arena”, ishte një ndeshje me të vërtetë spekatkolare, me të dyja skuadrat që krijuan raste të shumta, por përveç golit të minutës së 10-të, nuk kishte tjetër.
Sezonin tjetër të dyja skuadrat do të jenë pjesë e Kategorisë së Parë, si fituese të grupeve A dhe B. Për sa i përket ndeshjeve në kampionat, të dyja skuadrat e mbyllën sezonin pa humbje, ndërsa këtë ecuri e ruajti edhe pas ndeshjes së sotme Shkumbini.
