Dhejtra forca speciale të policisë nga RENEA, FNSH e Tiranës, FNSH e Fierit, por edhe Policia e Durrësit kanë zbarkuar ditën e sotme në zonën e Niklës në Fushë Krujë, ku po zhvillojnë një operacion të madh antidrogë, për zbulimin e parcelave me kanabis.
Tashmë trafikantët shqiptarë duket se kanë ndryshuar strategji, pasi nga mbjellja e kanabisit në parcela të hapura, po kultivojnë drogë brenda në shtëpi.
Deri tani raportohet se është zbuluar se në bodrumin e një vile ishte ngritur një serë droge.
Siç mund të shihni në pamjet e mëposhtme, trafikantët kanë ndërtuar një shtëpi bari, një model që aplikohet kryesisht në Britani të Madhe.
Bimët në lartësi rreth 2 metër janë të mbuluar me plastmas për ti shpëtuar të ftohtit, por edhe policisë.
Sipas Top News, deri tani mësohet se janë shoqëruar 10 persona. Kontrolli vjen pas monitorimeve me dronë nga Policia e Shtetit dhe nga ajri nga GDF.
