Persona ende të paidentifikuar kanë qëlluar me breshëri kallashnikovi drejt një lokali në qytetin e Burrelit. Skena si në filmat aksion, ka shkaktuar jo pak panik dhe tronditje tek qytetarët.
Ngjarja ka ndodhur në mesditën e sotme, ndërsa autorët mësohet se janë larguar me shpejtësi menjëherë pas të shtënave. Dyshohet se akti i sotëm ka qenë një paralajmërim por ende nuk dihen motive.
Burime nga policia thanë se persona të paidentifikuar kanë qëlluar me armë nga xhami i pasëm i një makine, ndërsa nuk raportohet të ketë persona të lënduar.
