Kristi Kote ishte një nga lojtarët e këtij sezoni me skuadrën e Partizanit. Mesfushori korçar nuk gjeti shumë hapësira me trajnerin Ilir Daja, megjithatë atëherë kur iu dha mundësia, arriti të shkëlqente.
Së fundmi, shtatshkurtri ka bërë një postim në rrjetet sociale ku shfaqet i lumtur që është pjesë e kryeqytetasve. Në postimin e tij në Facebook, Kote shkruan: “Me fat që jam pjesë e kësaj familjeje”.
Në këtë sezon, Kote është aktivizuar në 24 ndeshje, 13 prej të cilave i ka nisur nga minuta e parë. Mëngjërashi nuk ka mundur ta bëjë “sefte” ende me të kuqtë shënimin e golit. Kujtojmë që ai erdhi tek të kuqtë në kohën kur trajner ishte Skënder Gega, në gusht të vitit 2018-të.
