Kryeministri Edi Rama deklaroi se Akademia e Shkencave është reformuar falë punës së qeverisë së tij.
Gjatë fjalës së tij, Rama u shpreh se që prej vitit 2017 ku nisi dhe reformimi i kësaj Akademie sot ky institucion është “i zakonshëm, që nuk shquhet për keq, edhe pse nuk shquhet për mirë.”
Ai u shpreh se nuk ka patur një marrëdhenië të mirë më Akademinë e Shkencave por falë ligjit të ri ky insitutucion do të jetë i denjë për titullin që mbart.
“Sot pranimi i 17 anëtarëve të jashtëm, hulumtimi në shkenca të reja, ngritja e qendrës së botimeve enciklopedime janë një arsye për të mos e pritur 50 vjetorin e këtij institucioni me kokën ulur. Po i kërkoj ndihmë profesorëve për ligjin e ri të medaljeve që është i domosdoshëm për të integruar Shqipërinë në botën ku mbizotëron racionaliteti, dhe jo vetëm për ligjin e ri të medaljeve por edhe për të tjera punë që kjo akademi sot është e gatshme për ti marrë për sipër.”, shtoi Rama në përfundim të fjalës së tij.
