Një shpërthim ka ndodhur paraditen e sotme në një fabrikë për prodhimin e pijeve alkoolike në afërsi të Larisas në Greqi, rrugës për në Tyrnavo.
Mediat greke bëjnë me dije se shpërthimi ndodhi në një kazan të përpunimit të pijeve, në ambientet e fabrikës.
Për pasojë janë plagosur tetë persona, të cilët po dërgohen në spital për të marrë ndihmën e nevojshme mjekësore.
Ndërkohë forcat zjarrfikëse kanë mbërritur në vendngjarje dhe po punojnë për shuarjen e flakëve.
