Reshejt e shiut gjatë dy ditëve të fundit në Kosovë, kanë bërë që rruga “Bajram Bahtiri” në Prishtinë të përmbytet nga shiu.
Burimet bëjnë me dije se, kanë pësuar dëme disa fshatra të komunës së Gjilanit, ku madje kryetari Lutfi Haziri iu kërkoj qytetarëve që në rast përkeqësimi të situatës të largohen nga shtëpitë e tyre.
“Pas reshjeve të jashtëzakonshme të shiut, kam aktivizuar Shtabin Emergjent, i cili ka dalë menjëherë në terren. Për momentin, situatë më e rënduar paraqitet në fshatin Sllubicë dhe Pogragjë, ku janë dëmtuar katër ura dhe muri i një shtëpie.
Kërkoj nga qytetarët e asaj pjese që në rast të përkeqësimit të situatës, të largohen përkohësisht nga shtëpitë e tyre. Për çfarëdo problemi eventual, luten qytetarët që t’i kontaktojnë numrat e emergjencave të cilët janë pa pagesë: 112 dhe 193″,- shprehet Haziri.
