Orges Shehi pritet të largohet nga drejtimi i Tiranës. Mos realizimi i objektivave sezonal me bardheblutë, pritet t’i kushtojë teknikut 43-vjeçar, me presidentin Halili që pritet të mos e konfirmojë në krye të stolit për sezonin e ardhshëm durrsakun.
Madje nga ajo që raporton AL2, media në patronazh të Andi Lilës, drejtuesit e Tiranë lanë vendosur për trajnerin e ri. Bardheblutë duket se do qëndrojnë ende te trajnerët shqiptarë dhe i zgjedhuri është një emër i njohur në shtëpinë e 25 herë kampionëve, Bledar Devolli.
Ish-mesfushori kampion me kryeqytetasit, ka drejtuar më parë të rinjtë e Tiranës dhe së fundmi ishte pjesë e Drenicës në Kosovë, duke qenë pjesë e rëndësishme e arritjes së mbijetesës në Superligë, megjithëse nuk e mbylli sezonin nën drejtimin e tyre.
