Në Burrel një fëmijë 9 vjeç është aksidentuar rëndë nga një automjet që drejtohej nga një vajzë 21-vjeçare.
Mësohet se Blerina Rami, në një segment rrugor në periferi të qytetit Burrel, duke drejtuar automjetin tip “Mercedez Benz”, ka humbur kontrollin duke aksidentuar fëmijën me iniciale N.K, 9 vjeç.
9-vjeçari është dërguar në spitalin e Traumës në Tiranë, ku mësohet se ndodhet në gjendje të rëndë.
Policia ka bërë arrestimin e 21-vjeçares nga Burreli, si dhe i kaluar materialet procedurale Prokurorisë Rrethit Gjyqësor Mat.
