Instituti Kombëtar i Shëndetësisë Publike njoftoi të Enjten se ka regjistruar një viktimë dhe 23 raste të reja me COVID-19.
Siç njofton IKSHPK-ja, viktima ishte një person 63 vjeç nga Ferizaj.
Shifra e raste të reja del pas 2.460 testimeve.
Komuna me më së shumti raste të reja është ajo e Prishtinës, përkatësisht në këtë komunë janë regjistruar pesë raste.
Në 24 orët e fundit nga COVID-19 janë shëruar edhe 230 pacientë.
Që prej 13 marsit 2020, deri më 27 maj, 2021, Kosova ka regjistruar 107.336 raste me COVID-19. Prej tyre, 2.242 raste kanë përfunduar me fatalitet, ndërkaq 102.107 pacientë janë shëruar.
Raste aktive janë 2.987.
