Komiteti Teknik i Ekspertëve njoftoi këtë të Enjte lehtësim të disa masave të marra me qëllim parandalimin e koron virusit. Në konferencën për mediat u tha se situata e pandemisë shfaqet e kontrolluar. Në këtë mënyrë, u vendos lehtësimi i disa masave shtrënguese.
Zëvendësministrja e Shëndetësisë, Mira Rakacolli tha se nga 1 Qershori do të hiqet detyrimi për mbajtjen e maskës në ambientet jashtme, por do mbetet detyrim mbajtja në ambientet e mbyllura dhe mjetet e transportit publik. “Rekomandohet mbajtja e maskes kudo ku nuk mund te ruhet distancimi sociale si edhe per ata qe ende nuk kane bere dy dozat e vaksines qe konsiderohen persona ne risk”, shtoi ajo.
Ora policore, nga 1 Qershori do të jetë 23:00 – 6:00 (nga 22:00 -6:00 që është aktualisht).
Rakacolli bëri me dije po ashtu se klubet e natës dhe diskot do jetë të mbyllura dhe muzika do të lejohet deri në orën 22:00.
Ajo shtoi se nga data 15 qershor, grumbullimet ne ambjentet e jashtme nga 10 persona behen 50 persona, duke respektuar rregullat e distances sociale ne zbatim te protokolleve te IShP
Rakacolli tha po ashtu se nëse situata e pandemisë do të jetë brenda parashikimeve, nga 1 korriku, ora policore do të jetë 00:00 – 6:00. Ajo tha po ashtu se nga 1 Korriku, do lejohen kampionatet sportive me prezence te tifozeve me kapacitete te reduktuara deri ne 30% sipas protokollit te IShP. Po ashtu, bëri me dije se, do lejohen aktivitetet e teatrove, shfaqeve artistike dhe kulturore, konferencave, me kapacitet te reduktuar deri ne 30% te spektatoreve apo pjesemarresve, sipas protokolleve të IShP.
Rakacolli theksoi se edhe nga 1 Korriku “orari per muziken nuk ndryshon, pra do mbetet ora 22:00”.
