Kanë dalë sot para gjykatës tre të arrestuar për gomonen me 577 kg drogë, që u kap të dielën në Karaburun. Shtetasit ,Mandi Begaj, Herman Muçaj dhe Ëngjëllush Mukaj, do të njihen me masën e sigurisë, ndërsa seanca nis në orën 10:00.
Kujtojmë se operacioni që çoi në arretsimin e tyre u zhvillua nga Shërbimet e DVP Vlorë, në bashkëpunim me Delta Forcë, Guardia di Finanza, Policinë Kufitare Vlorë dhe QNOD.
Sipas njoftimit të policisë ndjekja nga deti dhe toka zgjati disa orë, ndërsa në vendin e quajtur “Gjiri i Dafinës”, pranë Karaburunit, personat që ishin në bord, në pamundësi për t’i shpëtuar ndjekjes së Policisë, tentuan të braktisnin mjetin lundrues dhe të largoheshin, por u kapën dhe u prangosën gjatë ndjekjes nga Policia.
