Plagosi me thikë dy persona një 62-vjeçar, dhe nje 46 vjeçar, arrestohet 45-vjeçari I.L.. Ngjarja ndodhi mbrëmjen e djeshme në fashtin Orman-Pojan, Maliq.
Sipas policisë një prej të plagosurve, pikërisht 46 vjeçari, ndodhet në spital në gjendje të rëndë, ndërkohë i plagosuri tjetër 62 vjeç është jashtë rrezikut për jetën
Njoftimi
Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit L. L., 45 vjeç, banues në fshatin Orman-Pojan, Maliq.
Shtetasi i mësipërm, mbrëmjen e djeshme, gjatë një konflikti për motive të dobëta në rrugën e fshatit, dyshohet se ka dëmtuar me mjet prerës (thikë) shtetasin P. S., 62 vjeç, i cili ndodhet në Spitalin e Korçës jashtë rrezikut për jetën dhe shtetasin F. M., 46 vjeç, banues në fshatin Orman-Pojan, Maliq, i cili ndodhet në gjendje të rëndë për jetën.
Materialet i kaluan Prokurorisë pranë Gjykatës së Shkallës së Parë Korçë për veprën penale “Plagosja e rëndë me dashje”.