Fatbardh Kadilli, i cili garon për postin e kreut të PD, në zgjedhjet e 13 qershorit, ka nisur takimet për kryetar të PD-së nga Berati.
Në fjalën e tij përpara demokratëve, Kadilli është shprehur se Lulzim Basha duhet të kishte dhënë dorëheqjen pas humbjes së zgjedhjeve të 25 Prillit.
“Lulzim Basha duhej të kishte dhënë dorëheqjen pas zgjedhjeve të 25 Prillit. Unë nëse bëhem kryetar i PD-së nuk do punoj për t’u bërë kryeministër, por për të fituar PD-ja”, tha ai ndër të tjera.
Në garë përpos Kadillit, përballë Lulzim Bashës janë edhe Agron Shehaj dhe Edith Harxhi.
