Forca të shumta policie, përfshi edhe ato të FNSH, janë angazhuar në një operacion kontrollesh në Elbasan. Kontrollet po kryen në vendin ku disa ditë më parë u ekzekutua në një atentat mafioz Everest Çaka, ngjarje e ndodhur në lagjen “Skënderbej”.
Video e mëposhtme tregon momentet kur policia ka zbarkuar në këtë zonë të qytetit, ndërsa nuk ka të dhëna zyrtare lidhur me kontrollet.
Çaka kishte vetëm pak javë që ishte kthyer nga Gjermania, ndërkohë që lëvizte me makinën e shokut të tij. Ai u ekzekutua në sy të bashkëshortes mbrëmjen e 11 majit.
Pista kryesore e ekzekutimit lidhet me serinë e vrasjes së kushëririt të tij në Belgjikë, Arjan Spahiut. Ndërkohë që një tjetër pistë hetimi është edhe larja e hesapeve mes bandave dhe prishje e pazarit të drogës.
