Autoritetet shëndetësore në Kosovë njoftuan se të mërkurën nuk është regjistruar asnjë rast i vdekjes nga koronavirusi.
Sipas njoftimit të Institutit Kombëtar të Shëndetësisë Publike, gjatë 24 orëve të fundit janë regjistruar edhe 44 raste të reja me koronavirus. Rezultatet janë nga 2.840 testime.
Sipas njoftimi, nga sëmundja COVID-19 janë shëruar edhe 152 pacientë ndërsa raste aktive janë 3.195.
Që prej paraqitjes së rasteve të para me koronavirus, në mars të vitit 2020, Kosova ka regjistruar në total 107.313 raste me COVID-19. Numri i rasteve që kanë përfunduar me fatalitet është 2.241, ndërkaq, 101.877 pacientë janë shëruar.
