Me rastin e 8 dhjetorit kryetari i PD-së Lulzim Basha dhe ish-kryeministrin Sali Berisha kanë zhvilluar homazhe sot pranë bustit të të ndjerit Azem Hajdari.
Në fjalën e tij përpara mediave, ish-kryeministri Berisha vlerësoi lart figurën e Hajdarit si një nga figurat më të rëndësishme në mesin e studentëve që rrëzuan diktaturën komuniste.
“Duke soditur shtatoren e Azem Hajdarit me erdhi në mendje një paralelizëm, asokohe në çdo shesh mbillte tmerr dhe terror shtatorja e Enver Hoxhës, në atë kohë në çdo shesh mbillte shpresë dhe besim tribuni i lirisë Azem Hajdari që shkonte nga jugu në veri, nga lindja në perëmdim për të trokitur, për të zgjuar ndërgjegjen e qënieve tmerrësisht të shtypura, të indokrinuara por të poshtëruara nga kulti i satanit për ti zgjuar ata dhe dalë dhe njëherë si njerëz të lirë”, u shpreh Berisha
Homazhet e demokratëve erdhën në Ditën e Rinisë, duke qenë se Azem Hajdari ishte një nga më aktivët në vitet 1990.
