Pamjet që shihni tregojnë momentin kur 33-vjeçari Iljaz Ismaili është plagosur. Ngjarja ndodhi katër ditë më parë në një lokal në fshatin Poshnje të Dimalit. Kamerat e sigurisë së lokalit, ku shihet se e para vjen një makinë tip ‘Fuoristradë’ me dy persona brenda, me të cilët mendohet se lëviznin autorët.
Pak sekonda më vonë shihet se aty ndalon edhe një tjetër fuoristradë, ku ndodhej 33-vjeçari bashkë me familjarë të tij. Pasi janë konfiktuar me dy autorët, njëri prej këtyre të fundit ka qëlluar ndaj të riut, duke e plagosur. Në pamje shihet se si vëllai tenton që të mbrojë 33-vjeçarin, i cili mori dy plumba në këmbë.
Deri më tani janë arrestuar Adriatik Shabanaj dhe Aurel Filaj, ndërsa dyshohet se të përfshirë janë edhe 5 persona të tjerë që janë shpallur në kërkim. Kujtojmë se i plagosuri kishte vetëm pak ditë që kishte ardhur nga Anglia.
/BW/
