Policia e Tiranës ka arrestuar një shtetas të shpallur në kërkim për veprën penale “Ndihma për kalim të paligjshëm të kufijve”. Në pranga ka rënë shtetasi Vesel Hasani, 60 vjeç, banues në Tiranë.
Sipas policisë arrestimi i tij erdhi pasi në bazë të vendimit penal të datës 18.04.2016, të Gjykatës së Apelit për krimet e Rënda Tiranë, 60 vjeçari është dënuar me 3 vite e 4 muaj burg, për veprën penale “Ndihma për kalim të paligjshëm të kufijve”.
Ai ishte shpallur në kërkim nga Prokuroria për Krimet e Rënda Tiranë që me datë 26.04.2016.
