Teuta pret Apoloninë në shtëpi të mërkurën, në kuadër të takimit përmbyllës të kampionatit shqiptar.
“Djemtë e detit” u mjafton një fitore, për të rrëmbyer kështu titullin kampion. Skuadra durrsake ka zhvilluar sot përgatitjen e fundit në prag të këtij 90 minutësh. Mungesa e vetme do të jetë ajo e Aleksit, me lojtarin që ka plotësuar numrin e kartonëve.
Teuta ka bërë një sezon fatastik në elitë, duke qënë një nga ekipet pretendente për fitimin e titullit kampion. Gjithçka do të vendoset nesër, me Kategorinë Superiore që do njohë edhe kampionin më të ri.
