Një aksident automobilistik ka ndodhur mbrëmjen e kësaj të Marte në kryeqytet, ku një fëmijë është përplasur nga një automjet.
Policia njoftoi se, në Yzberisht, rreth orës 21:30, mjeti me drejtues shtetasin M.Gj., 29 vjeç, ka aksidentuar një fëmijë të moshës 6 vjeç.
Ky i fundit i cili u dërgua në spital dhe ndodhet nën kujdesin e mjekëve, jashtë rrezikut për jetën, konfirmoi policia.
Grupi hetimor po punon për sqarimin e rrethanave të ngjarjes, shtuan të njëjtat burime.
