Ish-konkurrenti i “Për’puthen”, Rinian Leka, pranoi para disa ditësh se kishte gjetur dashurinë e jetës. Ai ishte i ftuar në emisionin “Shqipëria Live”, ku u shpreh se është njohur me një vajzë jashtë programit dhe se zemra ka filluar t’i rrahë.
Mbrëmjen e djeshme të gjithë ish-konkurrentët së bashku me stafin realizues të emisionit janë mbledhur në një festë gjigante për të festuar përfundimin e programit dhe suksesin e tij. E pikërisht gjatë kësaj feste të madhe u bë publike edhe foto e parë e partneres së ish-konkurrentit.
Gazetari Ervin Kurti ka publikuar në “Instastory” një foto të tyre, ku ata shfaqen shumë afër njëri-tjetrit e shumë të dashuruar.
