Një ngjarje e rëndë raportohet të ketë ndodhur në Francë ku një shtetas shqiptar nga Kosova i identifikuar si Liridon B., ka qëlluar me thikë partneren e tij, duke e lënë të vdekur.
Mësohet se 22 vjeçarja nuk arriti t’i mbijetonte plagëve të marra ditën e hënë, më 24 maj.
“Viktima mori pesë plagë me thikë,” tha për AFP të hënën kryetari i bashkisë (RN) i Hayange, Fabien Engelmann.
“Zjarrfikësit u njoftuan në orën 12:40, por viktima kishte ndërruar jetë kur arritën në vendin e ngjarjes”, tha ai.
“I dyshuari është në arrati,” i tha AFP prokurori publik i Metz Christian Mercuri.
Hetimi iu besua policisë gjyqësore të Metz.
“Sipas informacionit tonë, individi në ikje, Liridon B., një shtetas kosovar 22 vjeç, është i njohur për policinë, pasi ka qenë i përfshirë në rreth 20 incidente, gjysma e të cilave përfshinte dhunë ose kërcënime me armë.
I njohur gjithashtu për disa vepra trafiku, i dyshuari po vuante një dënim të arrestit shtëpiak,” sic u sqarua nga prokurori i Metz.
Sipas raportimeve të policisë, fëmija 3 vjeç i çiftit ishte dëshmitare e vdekjes së nënës së saj.
Nga të dhënat e regjistruara, kjo është vrasja e 43-të e një gruaje në Francë që nga janari i vitit 2021, raporton media franceze.