Partia Demokratike depoziton në Kolegjin Zgjedhor padinë kundër vendimit të KAS për qarkun e Gjirokastrës. Ky hap erdhi i detyruar pikërisht pas vendimit të KAS për të mos marrë parasysh asnjë nga provat e depozituara nga juristët që sipas tyre vërtetonin sagën e vjedhjes së votave në 25 prill dhe kërkuan ripërsëritjen e zgjedhjeve.
Juristi Marash Logu e kishte paralajmëruar më herët këtë vendim të Partisë Demokratike, për të mos lënë në mes betejën, por për të kërkuar deri në fund drejtësinë dhe çuar në vend votën e vjedhur në zgjedhje nga PS.
Deklarata
Dorëzuam sot në Kolegjin Zgjedhor padinë kundër vendimit të KAS për Gjirokastrën, duke kërkuar pavlefshmërinë dhe përsëritjen e zgjedhjeve. Detyra jonë para shqiptarëve është të vazhdojmë betejën në çdo front, me çdo mjet dhe mundësi për zbardhjen e masakrës zgjedhore Rama-Doshi.
