Ish-Kryeministri Sali Berisha dhe lideri historik i Partisë Demokratike ka uruar për Ditën e Rinisë, duke mos harruar një nga liderët e lëvizjes së dhjetorit, Azem Hajdarin.
“Tribun legjendar” e quan Berisha, Azem Hajdarin, që ia doli së bashku me studentët e tjerë të vendosnin sistemin pluralist.
“Sot 8 Dhjetor, dita e Rinise!Të dashur miq, sot kombi shqiptar përulet me nderimin më të thellë para veprës së pavdekshme të tribunit legjendar Azem Hajdari dhe studentëve liberator, që 26 vjet më parë nisën në Qytetin Studenti, në një akt guximi, për kohën mbinjerëzor, protestën e tyre, revolucionin demokratik më të fuqishëm dhe më paqësor në historinë e vendit.
Në një betejë epike studentët ia dolën të gjunjëzojnë regjimin më të egër diktatorial të Europës dhe të çelin për shqiptarët dyert e mbyllura të lirisë dhe vendosjes së sistemit pluralist demokratik!Nderim përjetë Azem Hajdarit dhe studentëve liberator!”, shkruan Berisha.
