Një ngjarje e rëndë ka ndodhur pak minuta më parë në Shijak. Mësohet se në banesën e shtetasit me iniciale O.V., ka shpërthyer një sasi tritoli.
Është dëgjuar një shpërthim i madh, por pë fat të mirë nuk raportohen të lënduar. Nga të dhënat e para ka vetëm dëme materiale.
Shijak/ Informacion Paraprak
Më datë 23.05.2021, rreth orës 22:00, në lagjen” Kodra”, Shijak ka shpërthyer një sasi e vogël lënde plasëse në portën e banesës së shtetasit O.V., ku për pasojë ka vetëm dëme materiale.
Menjëherë në vendngjarje kanë shkuar shërbimet e Policisë dhe kanë shoqëruar disa persona në Komisariat.
Ndërkohë po vijon krehja e zonës.
Grupi hetimor nën drejtimin e Prokurorisë po punon për identifikimin e autorit dhe sqarimin e plotë të rrethanave të ngjarjes.
