Stadiumi i Egnatias është në fazë të avancuar punimesh. Të nisura pak javë më parë, duket se në Rrogozhinë po punojnë me ritme të shpejta për t’i dhënë formë stadiumit të ri, në të cilin skuadra do zhvillojë aktivitetin në Kategorinë Superiore duke nisur nga sezoni që vjen.
Kampionë të së Parës, Egnatia e drejtuar nga Gugash Magani do kërkojë të surprizojë në elitë, teksa drejtuesit janë duke menduar edhe për infrastrukturën. Tribuna kryesore e stadiumit tanimë është drejt përfundimit, teksa puna po vijon edhe në pjesët e tjera të tij.
Gjithashtu po punohet me nivelimin e pjesës së fushës. Sipas drejtuesve, në shtator stadiumi do jetë gati për ndeshjet e Superligës, ndërsa pjesët e mbetura do përfundohen më pas. Kujtojmë se te Egnatia pak muaj më parë inauguruan edhe fushën e re stërvitore.
https://streamable.com/jdxmor
