Policia e Tiranës ka arrestuar 4 shtetas, pasi akuzohen për vepra të ndryshme penale.
Sips njoftimit të policisë janë arrestuar, shtetasit G. B., 31 vjeç, banues në Kavajë, pasi u kap në flagrancë duke qarkulluar me një armë zjarri pushkë gjysëm automatike dhe me një sasi me lëndë të dyshuar kanabis, dhe E. Gj., 37 vjeç, pasi gjatë kontrollit fizik dhe të banesës të këtij shtetasi, u gjetën dhe sekuestruan një sasi me lëndë narkotike kokainë dhe një peshore elektronike.
Gjithashtu njoftohet se Specialistët e Qarkullimit Rrugor bënë ndalimin e shtetasit A. G., 34 vjeç, pasi Gjykata e Shkallës së Parë Tiranë, e ka dënuar me 10 ditë burg, për veprën penale “Drejtimi i automjeteve në mënyrë të parregullt”
Po nga specialistët e Qarkullimit Rrugor u bë arrestimi në flagrancë i shtetasit L. D., 43 vjeç, pasi u kap duke drejtuar mjetin në gjendje të dehur.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
