Partizani pësoi një humbje që solli shumë polemika ndaj Vllaznisë duke “vrarë” thuajse tërësisht shpresat për të fituar titullin kampion.
Takimi u vendos nga një penallti e dyshimte e akorduar nga gjyqtari Enea Jorgji, pas një incidenti në zonë të Belicës. Pak orë më parë, Jasir Asani, ka postuar një foto në Facebook, teksa sulmon ashpër gjyqtarin Enea Jorgji.
Postimi i Asanit – Edhe nëse nuk e merituam të fitonim sipas disa “specialistave”, edhe nëse nuk bëmë ndeshjen më të mirë të sezonit, ju kurrë nuk mund të talleni më djersën tonë. Nuk mund të vije lloj-lloj ordineri të prishë ndeshjen dhe të prishë ëndrrën tonë.
Në mbështetje të Asanit, ka dalë, Erjon Braçe zëvendës kryeministër dhe tifoz i flaktë i Partizanit. Braçe sulmon gjyqtarët dhe Federatën dhe ngushëllon njëkohësisht edhe Jasir Asanin, ne foton e të cilit ka shoqëruar postimin.
Postimi i Braçes– Ka Zot, ka! Sepse nuk ka gjë më të poshtër se padrejtësia! Nuk ka gjë më të ndyrë se sa t’i pështysh mundin, djersën, sakrificën, pasionin e ëndrrën një njeriu! Ka Zot, ka! Siç ka ligj, do ketë edhe drejtësi! Imunitetit të horrit po i vjen fundi! Kokën lart kampion (Jasis Asani) sepse kokën poshtë duhet ta ketë i ligu, i ndyri, i korruptuari!
