Instituti Kombëtar i Shëndetësisë Publike (IKSHPK) njoftoi se ka regjistruar 35 raste të reja me Covid dhe asnjë viktimë nga ky virus.
Rastet e reja dalin pas 3.199 testimeve.
Komuna me më së shumti me raste të reja me COVID-19 është ajo e Prishtinës. Në kryeqytetin e Kosovës janë regjistruar nëntë raste të reja.
Në 24 orët e fundit, 180 pacientë janë shëruar nga COVID-19.
Që prej marsit 2020 e deri sot, Kosova ka regjistruar 107.213 raste me koronavirus. Prej tyre, 2.239 pacientë kanë vdekur dhe 101.279 janë shëruar.
Raste aktive janë 3.695.
