Harry Kane nuk dëshiron të qëndrojë te Tottenham. Ylli anglez e ka thënë hapur se dëshiron të largohet dhe Manchester City duket se do të jetë destinacioni i tij i ardhshëm. Kapiteni i “Spurs” pritet të divorcohet në merkaton verës dhe sipas “The Times”, ka një marrëveshje paraprake mes tij dhe Daniel Levy-it, që i ka dhënë ok për t’u larguar.
Ai ka dhe 3 vite kontratë dhe Tottenham kërkon të përfitojë për të mbushur arkën. 175 milionë euro pretendon klubi anglez për të fituar nga shitja e gjigantit të sulmit. Pritet të shihet se çdo të ndodhë, ndërsa një opsion tjetër sipas medieve angleze është përfshirja në operacionin e transferimit dhe e Gabriel Jesusit.
