Ish-kryeministri Sali Berisha u uroi socialistëve Kongresin e Partisë, duke theksuar se aty po zhvillohet një Kongres pa garë me kryetar të pazgjidhshëm.
Reagimi i Berishës në Facebook:
“Sot u mblodh Kongresi i partisë se Edi Ramës dhe sivllaut te tij shpirtëror Koço Kokëdhima.
Ky kongres mblidhet pasi neo-bllokmeni Edi Rama ka rikthyer ne pushtet bijtë e etërve mizor, bllokmenëve hoxhist.
Ky kongres mblidhet pasi Edi Rama ka shndërruar Partinë Socialiste në partinë e mafies dhe krimit të organizuar, ku sipas ligjit të mafies, kryekumbari vendos për gjithçka.
Kongresi mblidhet pasi Edi Rama ka shndërruar Partine Socialiste në Partinë Kanabiste të Kokëdhimës.
Kongresi mblidhet pasi Edvin Kristaq Rama riktheu Partine Socialiste
në kohërat më të zeza të historisë së saj, kohërat hoxhiste, me kryetar të pazgjedhshëm dhe kryetar të përjetshëm, por që kësaj radhe nuk quhet Enver Halil Hoxha por Edvin Kristaq Rama, që shpall veten të pazgjedhshëm dhe të përjetshëm!
Kështu që urimi i vetëm që të vjen vetvetiu për kongresmenët e mbushur plot kusarë, vrasës, trafikantë droge, prostitucioni, pengmarrës dhe hajdutë ordinere është: Gëzuar Kongresin pa garë, kongresin e kryetarit tuaj të pazgjedhshëm, kryetarit tuaj të përjetshëm!”
