Erald Çinari dhe Eneo Bitri kanë bërë sezone fantastike me skuadrën e Partizanit. Bitri ka qenë një titullar i padiskutueshëm në mbrojtjen e kuqe, madje ka shënuar edhe 2 gola.
Ndërsa Çinari, autor i tetë golave këtë sezon, është gjithmonë ai që bëhet protagonist, sidomos në ndeshjet “big”, siç e tregoi në sfidat kundër Tiranës në derbin e parë dhe kundër Teutës së fundmi, duke i dhënë një fitore me aromë titulli “demave”.
Për Eraldo Çinarin, kanë qenë dy ekipe nga Turqia të interesuara, por së fundmi, një tjetër ekip ka shfaqur interes ose, më saktë, ka rishfaqur interes.
Bëhet fjalë për Menemensporin, me ekipin turk që e ka dashur sulmuesin shkodran edhe më parë. I njëjti ekip është i interesuar edhe për Bitrin. Mësohet se për mbrojtësin 24-vjeçar ka edhe një ofertë rreth 10 mijë euro pagë në muaj.
