Shitja e Milanit është kthyher në një telenovel. Ishte parashikuar që asamblea e skuadrës Italiane do të mblidhej në datën 9 dhe në 13 dhjetor do të bëhej shitja përfundimtare te grupi Kinez, por kjo gjë nuk do të ndodhi por në janar të 2017.
Por shtyrja për kalimin përfundimtar të aksioneve të Milanit pa dyshim do të ndikojë në merkaron e janarit.
“Fininvest dhe Sino-Europe Sports” së fundmi kanë arritur një marrëveshje për të blerë përfundimisht skuadrën e Milanit, shkruan “Calciomercato.it”.
Më 3 Mars të vitit 2017 është data e fundit kur skuadra e kuqezinjve pritet të kalojë në dorën e investitorëve kinezë, si pjesë e shtyrjes, SES ka pranuar të paguajë 100 milionë euro shtesë mbi 100 milionë eurot e deponuara fillimisht.
Shtyrja e datës fillimisht e planifikuar për 13 dhjetor do të ketë pasoja në tregun e transferimeve, me Adriano Galliani do të mbetet pikë referimi për afatin kalimtar të janarit, duke pritur për hyrjen zyrtare të shoqërisë Fassone dhe Mirabelli.
Nën drejtimin e Montellas, Milani është duke kaluar një periudhë të mirë pasi renditet në vendin e 3-të që do të thotë pjesëmarrje sezonin e ardhshëm në Champions League.
