Pas kryeministrit Edi Rama në Gjermani për të takuar kancelaren Merkel ndodhet Lulzim Basha. Kryetari i Partisë Demokratike, me ftesë të kancelares Angela Merkel ka marrë pjesë në punimet e Kongresit të CDU-së, në Essen të Gjermanisë.
Në një deklaratë për mediat thuhet se Basha ka biseduar me Kancelaren Merkel.
“E falenderova atë për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend. Dua t’i siguroj të gjithë shqiptarët se mbështetja e Kancelares Merkel për Shqipërinë dhe shqiptarët do të jetë e palëkundur”shprehet më tej Basha.
