Policia e Pogradecit, ka arrestuar një 27-vjeçar, pasi u kap duke transportuar 9 emigrantë të paligjshëm.
Sipas njoftimit të policisë, shtetasi Marsel Xhambazi, 27 vjeç, banues në Korçë, ndihmonte shtetas të huaj të kalonin kufirin, kundrejt shpërblimit.
Njoftohet se shtetasi i mësipërm, u kap nga shërbimet e Policisë në lagjen nr. 3, Pogradec, duke transportuar në drejtim të Tiranës, me mjetin tip “BMW”, 9 emigrantë të paligjshëm, të cilëve kundrejt shpërblimit, iu kishte premtuar kalimin drejt vendeve të BE-së.
Materialet i kaluan Prokurorisë së Rrethit Gjyqësor Pogradec për veprime të mëtejshme hetimore.
