Policia e Tiranës ka arrestuar një person ndërsa një tjetër është shpallur në kërkim, pasi dyshohen se në bashkëpunim me njëri-tjetrin, kanë vjedhur të paktën 11 furgona.
Në pranga ka rënë Erion Mazhi, 25 vjeç, banues në fshatin Renxe, Dibër, ndërsa në kërkim është shpallur H. Elezaj, 48 vjeç.
Sipas policisë, Elezaj, në bashkëpunim me persona të tjerë për të cilët po kryhen hetime për identifikimin e tyre, kryente vjedhjen e automjeteve të tipit “Mercedes Benz”, kategoria furgon, në qytetin e Tiranës dhe i dërgonte në rrethin e Dibrës në një pikë grumbullimi mjetesh të përdorura, ku dhe më pas çmontoheshin dhe shiteshin për pjesë këmbimi.
Pika e grumbullimit ishte në pronësi të të arrestuarit Erion Mazhi. Ajo ndodhej në fshatin Renxe Komuna Fushëqidhën, rrethi Dibër.
Gjatë operacionit të efektivëve të Tiranës, në këtë pikë grumbullimit u konstatuan dhe sekuestruan pjesë të dyshuara të automjeteve të vjedhura në qytetin e Tiranës në kohë dhe vende të ndryshme dhe konkretisht:
Pjesë fugonash të ndryshëm si:
– Parafango
– Kofano
– Xhama
– Dyer
– Sinjale të jashtëm
– Sedilje, etj.
