Sot në orët e mëngjesit është vrarë një student në Universitetin “Isa Boletini”. Ngjarja ka ndodhur në rrugën “UÇK” në qendër të Mitrovicës.
Viktima është V.S. një 22 vjeçar dhe është student në Fakultetin e Informatikës në Universitetin “Isa Boletini”, njofton Klan Kosova.
Zëdhënësi i policisë për Rajonin e Mitrovicës, Avni Zahiti ka thënë për klankosova.tv se deri në këto momente nuk dihet rrethanat që kanë çuar deri te kjo vrasje.
Ndonëse vrasja ka ndodhur gati dy orë më parë trupi i pajetë i viktimës ende gjendet në vendin e ngjarjes.
Policia është në vendin e ngjarjes. /Telegrafi/
